நீயுடம் படுதலின் யான்தர வந்து குறிநின் றனனே குன்ற நாடன் இன்றை யளவை சென்றைக் கென்றி கையுங் காலும் ஓய்வன அழுங்கத் தீயுறு தளிரின் நடுங்கி	5
யாவதும் இலையான் செயற்குரி யதுவே.
- படுமரத்து மோசிகீரனார்.

நீ உடன்போக இயைந்த மையால் நான் கூற தலைவன் குறியிடத்தே வந்து நின்றான; நீயோ! இன்றையாகியபோதுகழிக என்று கூறினாய; கையும் காலும் ஓய்வனவாகி வருந்த நெருப்பில் விழுந்த தளிரைப் போல நடுங்கி நான் செய்யத்தக்கதுஒன்றும் இல்லை.

முடிபு: நாடன் நின்றனன்; சென்றைக்கென்றி; அழுங்க நடுங்கிச் செயற்குரியது இலை.     

கருத்து: நீ தலைவனுடன் இப்பொழுதே செல்லுதல் நலம்.