¹ எல்லாம் வல்ல ஆண்டவரே, இஸ்ராயேலின் கடவுளே, வேதனையில் இருக்கும் ஆன்மாவும், கலக்கமுற்றிருக்கும் உள்ளமும் உம்மை நோக்கிக் கூக்குரலிடுகின்றன.

² ஆண்டவரே, இந்தக் கூக்குரலைக் கேட்டு இரக்கமாயிரும்@ ஏனெனில் நாங்கள் உம் முன்னிலையில் பாவம் செய்தோம்.

³ ஏனெனில் நீர் என்றென்றும் அரியணையில் வீற்றிருக்கிறீர்@ நாங்களோ எந்நாளும் அழிந்து போகிறோம்.

⁴ எல்லாம் வல்ல ஆண்டவரே, இஸ்ராயேலின் கடவுளே, இஸ்ராயேலில் இறந்தவர்களின் மன்றாட்டை இப்பொழுதே கேட்டருளும்@ தங்கள் கடவுளாகிய ஆண்டவருடைய சொல்லுக்குச் செவிகொடாமல் உமது முன்னிலையில் பாவம் செய்தவர்களுடைய மக்களின் மன்றாட்டையும் கேட்டருளும்@ அவர்களுடைய பாவத்தினால் தான் எங்களுக்குத் தீமைகள் வந்துற்றன.

⁵ எங்கள் தந்தையர்களின் அக்கிரமங்களை நினைவில் கொள்ளாதீர்@ ஆனால் இந்நாளில் உமது கைவன்மையையும், திருப்பெயரையும் நினைத்துக் கொள்ளும்.

⁶ ஏனெனில், நீரே எங்கள் கடவுளாகிய ஆண்டவர்@ ஆண்டவரே, உம்மையே நாங்கள் வாழ்த்துவோம்.

⁷ ஏனெனில் உம் திருப்பெயரை நாங்கள் கூவியழைக்கவே, எங்கள் உள்ளங்களில் உம்மைப்பற்றிய அச்சத்தைத் தந்திருக்கிறீர்@ எங்கள் அடிமைத்தனத்தில் உம்மை வாழ்த்துகிறோம்@ ஏனெனில் உமது முன்னிலையில் பாவம் செய்த எங்கள் தந்தையர்களின் அக்கிரமத்தை நாங்கள் எங்கள் உள்ளங்களிலிருந்து அகற்றி விட்டோம்.

⁸ எங்கள் கடவுளாகிய ஆண்டவரே, உம்மை விட்டு அகன்று போய், எங்கள் தந்தையர்கள் செய்த எல்லா அக்கிரமங்களுக்காகவும், இதோ நாங்கள் இன்று அடிமைத்தனத்தில் அல்லலுறுகிறோம்@ நீர் எங்களைச் சிதறடித்து நிந்தைக்கும் சாபனைக்கும் தண்டனைக்கும் உள்ளாக்கினீர்"

⁹ ஞானம்: இஸ்ராயேலின் தனியுரிமை: இஸ்ராயேலே, வாழ்வளிக்கும் முறைமைகளைக் கேளுங்கள்@ விவேகத்தைக் கற்றுக்கொள்ளக் காது கொடுத்துக் கேளுங்கள்.

¹⁰ இஸ்ராயேலரே, நீங்கள் பகைவர்களின் நாட்டில் இருப்பது ஏன்?

¹¹ அந்நிய நாட்டில் தளர்ச்சியுற்றிருப்பது ஏன்? இறந்தவர்களோடு நீங்களும் தீட்டுப்பட்டவர்களாய்ப் பாதாளத்தில் இறங்குகிறவர்களோடு சேர்த்தெண்ணப்படுவது ஏன்?

¹² ஞானத்தின் ஊற்றை நீங்கள் கைவிட்டீர்கள்.

¹³ ஆண்டவரின் வழியில் நீங்கள் நடந்திருந்தால், உண்மையில் முடிவில்லாத சமாதானத்தோடு வாழ்ந்திருப்பீர்கள்.

¹⁴ ஞானம் எங்கேயிருக்கிறது, ஆற்றல் எங்கே உள்ளது, அறிவுத் திறன் எங்கிருக்கிறது என்று அறிந்து கொள்ளுங்கள்@ அதே சமயத்தில் வாழ்நாளின் நீடிப்பும் நல் வாழ்வும், கண்களின் ஒளியும் சமாதானமும் எங்கிருக்கின்றன என்று அறிந்து கொள்வீர்கள்.

¹⁵ ஞானத்தின் இருப்பிடத்தைக் கண்டவன் யார்? அதன் கருவூல அறைகளுள் நுழைந்தவன் எவன்?

¹⁶ மக்களினங்களின் தலைவர்கள் எங்கே? பூமியிலுள்ள மிருகங்களை அடக்கி ஆள்பவர்கள் எங்கே?

¹⁷ வானத்தின் பறவைகளைக் கொண்டு விளையாட்டுக் காட்டுகிறவர்கள் எங்கே?

¹⁸ மனிதர்கள் தங்கள் நம்பிக்கையை வைக்கும் பொன்னையும் வெள்ளியையும் சேமிப்பவர்கள் எங்கே? அவர்களுடைய சேமிப்பு வேலைக்கு முடிவே இல்லை. பணம் சேர்ப்பதற்குத் திட்டங்கள் போட்டு, அதே கவலையாய் இருந்து அளவு கடந்து வேலைகளைச் செய்கிறவர்கள் எங்கே?

¹⁹ அவர்கள் அனைவரும் அழிந்து போனார்கள், பாதாளத்தில் இறங்கிப் போயினர். அவர்களுக்குப் பதிலாக வேறு மனிதர் கிளம்பியுள்ளனர்.

²⁰ இளைஞர்கள் ஒளியைக் கண்டனர், பூமியில் குடியிருந்தனர்@ ஆனால் நல்லொழுக்க நெறியை அவர்கள் அறியவில்லை.

²¹ அதனுடைய வழிகளை அவர்கள் கண்டு உணரவில்லை@ அவர்களுடைய மக்களும் அதைப் பின்பற்றவில்லை, முழுதும் விலகி நடந்தார்கள்.

²² கானான் நாட்டில் அதைப்பற்றிக் கேள்விப்பட்டதில்லை, தேமான் நாட்டிலும் அதைக் கண்டதில்லை@

²³ உலகத்துக்கடுத்த விவேகத்தைத் தேடின ஆகாரின் மக்களும், மேராவின் வணிகர்களும், தேமானின் வியாபாரிகளும், கட்டுக் கதைகளைப் பிதற்றுகிறவர்களும், உலகியல் விவேகத்தையும் அறிவையும் ஆராய்கிறவர்களும் மெய்ஞ்ஞானத்தை அறியவுமில்லை. மெய்வழியைக் கண்டுபிடிக்கவுமில்லை.

²⁴ இஸ்ராயேலே, கடவுளின் கோயில் எவ்வளவு பெரியது! அவருடை சொத்துரிமையாகிய இடம் எவ்வளவு பரந்தது!

²⁵ அது மிகப் பெரிது, எல்லையில்லாதது@ உயரமானது, அளவிறந்தது.

²⁶ அதிலே தான் பண்டைக் காலத்திலிருந்து இராட்சதர்கள் இருந்தனர், மிகவும் உயரமானவர்கள், போரில் வல்லவர்கள்.

²⁷ எனினும் அவர்களை ஆண்டவர் தேர்ந்தெடுக்கவில்லை, அவர்களும் மெய்ஞ்ஞான வழியைக் காணவில்லை, ஆகவே அவர்கள் அழிந்து போனார்கள்.

²⁸ அவர்களிடம் மெய்ஞ்ஞானம் இல்லாததால், தங்கள் அறிவின்மையால் கெட்டார்கள்.

²⁹ வான் வெளிக்கு ஏறிப்போய் ஞானத்தைப் பெற்றுக்கொண்டவன் யார்? கார்மேகங்களினின்று அதை வெளிக் கொணர்ந்தவன் எவன்?

³⁰ கடலைக் கடந்து போய் அதைக் கண்டுபிடித்தவன் யார்? பசும்பொன் கொடுத்து அதனை வாங்கினவன் யார்?

³¹ அதற்குச் செல்லும் வழியை அறிந்தவனுமில்லை, அந்த வழியைப் பற்றிக் கவலைப்படுபவனுமில்லை.

³² ஆனால் எல்லாம் தெரிந்தவர் அதை அறிந்திருக்கிறார், தம் மெய்ஞ்ஞானத்தினால் அதைக் கண்டடைந்தார், அவரே முடிவில்லாக் காலத்திற்கும் பூமியை நிலைநாட்டினார், பல்வகை மிருகங்களாலும் உயிர்களாலும் நிரப்பினார்.

³³ அவர் ஒளியை அனுப்புகிறார், அது புறப்படுகின்றது@ அதைத் திரும்ப அழைக்கிறார், அச்சத்தோடு கீழ்ப்படிகிறது.

³⁴ தத்தம் சாமத்தில் விண்மீன்கள் ஒளிவீசின, மகிழ்ச்சியாய் இருந்தன.

³⁵ அவற்றை அவர் அழைத்தார், அவை, "இதோ இருக்கிறோம்" என்றன@ தங்களை உண்டாக்கியவருக்காக இன்பத்தோடு ஒளி வீசின.

³⁶ அவரே நம்முடைய கடவுள், அவருக்கு இணையானவர் ஒருவருமில்லை!

³⁷ உண்மையறிவின் வழியனைத்தும் கண்டவர் அவரே, தம் ஊழியனாகிய யாக்கோபுக்கு அதைக் கையளித்தார், தம் அன்புக்குரிய இஸ்ராயேலுக்குச் சொல்லிக் கொடுத்தார்.

³⁸ அதன்பிறகு அந்த ஞானம் பூமியின் மேல் தோன்றிற்று, மனிதர்கள் நடுவில் குடிகொண்டிருந்தது.