அம்ம வாழி தோழி இன்றவர் வாரா ராயினோ நன்றே சாரற் சிறுதினை விளைந்த வியன்கண் இரும்புனத் திரவரி வாரின் தொண்டகச் சிறுபறை பானாள் யாமத்துங் கறங்கும்	5
யாமங் காவலர் அவியா மாறே.
- .......

தோழி! ஒன்று கூறுவன் கேட்பாயாக மலைப்பக்கத்தில் சிறிய தினை விளைந்த அகன்ற இடத்தையுடைய பெரிய கொல்லையில் இராக்காலத்தே தினைக்கதிரை அரிபவர்களைப்போல தொண்டகமாகிய சிறிய பறை பாதியிரவிலும் இராக் காவலாளிகள் தூங்காமையினால் ஒலிக்கும் இன்று! அத்தலைவர் வாராராயின்! நலமாகும்.

முடிபு: காவலர் அவியாமாறு கறங்கும்; இன்று அவர் வாராராயின் நன்று.     

கருத்து: தலைவர் இரவில் வருதல் நன்றன்று.