கொடியோர் நல்கா ராயினும் யாழநின் தொடிவிளங் கிறைய தோள்கவின் பெறீஇயர் உவக்காண் தோழி அவ்வந் திசினே தொய்யல் மாமழை தொடங்கலின் அவர்நாட்டுப் பூச லாயம் புகன்றிழி அருவியின்	5
மண்ணுறு மணியின் தோன்றும் தண்ணறுந் துறுகல் ஓங்கிய மலையே.
- மதுரை மருதனிள நாகனார்.

தோழி! நெகிழ்ச்சியை யுடைய பெரிய மழை பெய்யத் தொடங்கு தலினால் அத்தலைவருடைய நாட்டிலுள்ள ஆரவாரத்தையுடைய மகளிர்திரள் விரும்பி நீராடும் பொருட்டுப் புகுகின்றஅருவியினால் கழுவப்பட்ட நீல மணியைப் போலத் தோன்றுகின்ற தண்ணிய நறிய குண்டுக்கற்கள் உயர்ந்த மலையை கொடுமையை யுடைய தலைவர் தண்ணளி செய்யாராயினும் வளைகள் விளங்கும் சந்துகளையுடைய நின்தோள்கள் அழகு பெறும்வண்ணம் அங்கே வந்தாயாகி பார்ப்பாயாக.

முடிபு: தோழி, கொடியோர் நல்காராயினும்நின் தோள் கவின் பெறீஇயர், மலையை அவ்வந்திசின்; உவக்காண்.    

கருத்து: நீ தலைவரது மலையைக் கண்டு ஆற்றியிருப்பாயாக.