நீர்நீ டாடிற் கண்ணுஞ் சிவக்கும் ஆர்ந்தோர் வாயில் தேனும் புளிக்கும் தணந்தனை யாயினெம் இல்லுய்த்துக் கொடுமோ அந்தண் பொய்கை எந்தை எம்மூர்க் கடும்பாம்பு வழங்குந் தெருவில்	5
நடுங்கஞர் எவ்வம் களைந்த எம்மே.
- கயத்தூர்கிழார்.

நீரின் கண் நெடுநேரம் விளையாடினால் கண்களும் செந்நிறத்தை அடையும்; பன்முறை உண்டோரது வாயினிடத்தே தேனும் புளிப்பையுடைய தாகும்; ஆதலின் நீ எம்மைப் பிரிவை யாயின் அழகிய தண்ணிய பொய்கையையுடைய எம் தந்தையினது எம்ஊரின்கண்ணே நஞ்சின்கடுமையையுடைய பாம்புகள் ஓடும் தெருவில் நீ முன்பு நடுங்குதற்குரிய மிக்க துன்பத்தை நீக்கிய எம்மை எம்முடைய வீட்டிற்கு அழைத்துச் சென்று விடுவாயாக.

முடிபு: நீர் நீடு ஆடின் கண்ணும் சிவக்கும்; தேனும் புளிக்கும்;தணந்தனையாயின் எம்மை எம் இல் உய்த்துக் கொடுமோ.    

கருத்து: எம்மை எம் தந்தையின் வீட்டிற்கு அழைத்துச் செல்வாயாக.