அருவி யன்ன பருவறை சிதறி யாறுநிறை பகரு நாடனைத் தேறி உற்றது மன்னு மொருநாள் மற்றது தவப்பன் னாள்தோள் மயங்கி வௌவும் பண்பின் நோயா கின்றே.	5
- அழிசி நச்சாத்தனார்.

தோழி! அருவியை ஒத்த பரிய துளிகளைச் சிதறி ஆறு வெள்ளத்தைக் கொண்டு ஒலிக்கும் நாட்டை உடைய தலைவனைத் தெளிந்து அவனோடு பொருந்திய காலம் ஒரு நாளே ஆகும; அங்ஙனம் பொருந்தியது மிகப் பல நாட்கள் தோளோடு கலந்து அழகைக் கொள்ளை கொள்ளும் தன்மையினை உடைய நோயாக ஆகின்றது.

முடிபு: நாடனை உற்றது ஒரு நாள்; அது மயங்கி நோயாகின்று.    

கருத்து: அறங்கருதித் தலைவனை ஏற்றுக் கொள்கின்றேன்.