பெய்த குன்றத்துப் பூநாறு தண்கலுழ் மீமிசைச் தாஅய வீஇ சுமந்துவந் திழிதரும் புனலும் வாரார் தோழி மறந்தோர் மன்ற மறவா நாமே கால மாரி மாலை மாமழை	5
இன்னிசை யுருமின முரலும் முன்வரல் ஏமம் செய்தகன் றோரே.
- அவ்வையார்.

தோழி! கார்ப்பருவத்துப்பெய்தற்குரிய மழையையுடைய மாலைக்காலத்து வரும் கரிய மேகங்கள் வித்தி வானோக்கும் புலமுடையாருக்கு இனியஒலியையுடைய இடியேற்றையுடையனவாகி முழங்கும்; முன்பு மழைபெய்த குன்றத்தின்கண் மலர் மணக்கின்ற தண்ணியகலங்கலின்மேலே பரவிய மலர்களைச் சுமந்து வந்து அருவிப்புனலும் வீழும்; கார்ப்பருவத்திற்கு முன்னரே வருவேமென்ற பாதுகாப்பைச்செய்து அகன்ற தலைவர் இன்னும் வாராராயினர்; அவர் நிச்சயமாக நம்மை மறந்தார்; நாம் அவரை மறத்தல் செய்யாம்.

முடிபு: தோழி, மழை முரலும்; புனலும் இழிதரும்; அகன்றோர்வாரார்; மறந்தோர் மன்ற; நாம் மறவாம்.    

கருத்து: கார்ப்பருவம் வரவும் தலைவர் வந்தாரல்லர்.