70. மருந்தே ஆயினும் விருந்தோடு உண்

தேவாம்ருதமே கிடைத்தாலும், பிறரோடு சேர்ந்து உண்

71. மாரி அல்லது காரியம் இல்லை

மழையின்றி ஒன்றும் இல்லை

72. மின்னுக்கு எல்லாம் பின்னுக்கு மழை

மழை வரப்போவதற்கு அறிகுறியே மின்னல்

73. மீகாமன் இல்லா மரக்கலம் ஓடாது

மாலுமி இல்லாத ஓடம் செல்லாது

74. முற்பகல் செய்யின் பிற்பகல் விளையும்

பிறருக்கு செய்யும் நன்மை, தீமைகள் பின்பு நமக்கே வரும்

75. மூத்தோர் சொல் வார்த்தை அமிர்தம்

முதியோர்கள் அறிவுரை அமிர்தம் போன்றது

76. மெத்தையில் படுத்தல் நித்திரைக்கு அழகு

மெத்தையில் படுத்து உறங்குதலே தூக்கத்திற்கு சுகம்

77. மேழிச் செல்வம் கோழைப் படாது

கலப்பையால் உழைத்துச் சேர்த்த செல்வம் ஒரு போதும் வீண் போகாது

78. மைவிழியார் தம் மனைஅகன்று ஒழுகு

விலை மாதர் இல்லங்களிலிருந்து ஒதுங்கி இரு

79. மொழிவது மறுக்கின் அழிவது கருமம்

பெரியோர் சொல்லை கேளாமல் மறுத்தால் அந்த காரியங்கள் கெட்டுவிடும்

80. மோனம் என்பது ஞான வரம்பு

மௌனமே மெய்ஞ்ஞானத்தின் எல்லை